Gruaja tek Gruaja

General information

Organizata “Gruaja tek Gruaja” punon në fushën e mbrojtjes së të drejtave të njeriut, fokusuar tek të drejtat e grave dhe të vajzave. Aktivitetet e organizatës “Gruaja tek Gruaja” janë të fokusuara në përmirësimin e statusit social, ekonomik dhe politik të grave duke ofruar: shërbime këshillimi, trajnime, rritje të ndërgjegjësimit publik, mbledhje dhe ndarje informacioni, inkurajimin e grave të marrin pjesë në mënyrë aktive në vendimmarrje, monitorimin e vendimeve të qeverisjes vendore parë nga prespektiva gjinore, si dhe drejtimi i fushatave avokuese dhe lobuese për barazinë gjinore në nivel lokal dhe qendror.
Organizata “Gruaja tek Gruaja” bashkëpunon ngushtë me të gjithë partnerët e rëndësishëm duke përfshirë: njësitë e qeverisjes vendore në Qarkun e Shkodrës, organizatat lokale, organizatat kombëtare dhe në vendet fqinjë, mediat lokale, bizneset lokale, duke vendosur dhe mbajtur sisteme efektive komunikimi dhe duke ndarë me ta në mënyrë efektive burime dhe informacion.
Duke qënë e fokusuar kryesisht në dhunën me bazë gjinore në shoqërinë shqiptare, organizata “Gruaja tek Gruaja” ofron shërbime sociale për gratë dhe vajzat që janë të ekspozuara ndaj rrezikut të dhunës apo dhe viktimat e dhunës.